«Заманауи тәрбиеші - 2017»

Бурабай ауданы, Щучинск қаласында әр жыл сайын мектепке дейінгі ұйымдардың тәрбиешілері арасында  «Заманауи тәрбиеші» аудандық  байқауы ұйымдастырылады. Байқау шығармашыл тәрбиешілерді анықтау мақсатында өткізіледі. Осы байқау 2017 жылы 14 сәуірде өткен болатын.

   Жалпы түрдегі мектеп-интернатында үш мектепке дейінгі даярлық тобы білім алуда. Соның ішінде мемлекеттік тілде оқытылатын топтың тәрбиешісі Мурзабулатова Салтанат Тлектесқызы «Заманауи тәрбиеші - 2017» сайысының қатысушысы болды. Байқауда аудан бойынша 9 қатысушы қатысып, олар өздерін жан-жақты көрсете алды. Педагогқа тән сыпайлылықпен, инабаттылықты ұштастыра отырып, өз өнерлерімен талайды таңқалдырды.

Байқау  3 бөлімнен тұрды: 

 1. Ашық сабақ. Осы бөлім бойынша С.Т. Мурзабулатова «Мерей» балабақшасының даярлық тобында Экология негіздері пәнінен «Құстар – біздің досымыз!» атты ашық сабақ өткізді.

2. Өзін-өзі таныстыру (слайд). Бұл бөлімнің шарты бойынша тәрбиеші өзінің педагогикалық шеберлігін, шығармашылық, соның ішінде әртістік, импровизациялық қабілетін көрсетуге тиіс болды.

 3. Тәрбиешінің жұмыс жүйесі (слайд). Тәрбиешінің балалармен жұмыс істеу тәсілдері мен жүйесі, соның ішінде мониторинг көрсеткіштері, ата-аналармен жұмыс, өзін-өзі жетілдіру тақырыптарына тоқталып, «Шұғыла» тобындағы атқарылған жұмысты баршаға көрсетті.

Әділқазылар алқасы, Шайменова  Гүлнар Айтбайқызы, Кабыкова Асия Хамитқызы, Ботина Елена Владимировна, Алдабергенова Клара Арынгазиевна, Марандина Елена Юрьевна  білім бөлімінің жетекшілері кірді. Олар Салтанат Тілектесқызын, болашақта үміт артар  жаңашыл педагог ретінде ерекше атап өтті. Өз сөзінде әділқазылар, қатысушылар мен мекеме әкімшілігінің мүшелеріне осы байқаудың бөлімдерінің шартын дұрыс айқындап, келесі жылы бұл қойылған шарттар нақты орындалғанын  талап етті.

        «Заманауи тәрбиеші - 2017» байқауында мектеп-интернатының намысын қорғаған  Салтанат Тілектесқызы 3 орынға ие болып, құнды сыйлық және дипломмен марапатталды!